Ċestine bħalissa qed tfittex li timpjega "Shop Assistants" b’ħinijiet flessibbli biex jingħaqdu mat-tim tagħna fuq bażi part-time.

Ħarsa Ġenerali:

Ingħaqad mat-tim tagħna u kun parti mill-passjoni tagħna li noffru lill-klijenti esperjenza unika permezz tal-bejgħ ta’ rigali esklussivi u ta’ valur. Aħna nipprovdu lill-klijenti tagħna b’għażla magħżula ta’ prodotti ta’ kwalità għolja, servizz eċċellenti, u esperjenza ta’ xiri unika — fejn wieħed jista’ wkoll igawdi minn selezzjoni ta’ kafè u snacks.

Jekk taqsam l-entużjażmu tagħna għal dak kollu li għandu x’jaqsam ma’ nbid, spirti, kafè u rigali, nistednuk tapplika għal din il-pożizzjoni.

Responsabbiltajiet Ewlenin:

Bħala "Shop Assistant" li jispeċjalizza fl-inbejjed, spirti u rigali, inti tkun responsabbli li toħloq ambjent sabiħ u professjonali għall-klijenti tagħna. Ir-responsabbiltajiet tiegħek jinkludu:

Għarfien tal-Prodott: Tiżviluppa għarfien profond tal-kollezzjoni tagħna ta’ nbid u spirti, kif ukoll tal-firxa tar-rigali li noffru, u tagħti rakkomandazzjonijiet professjonali lill-klijenti.
Servizz tal-Kafè u Snacks: Isservi kafè, te u tħejji snacks li jinbiegħu fil-ħanut tagħna.
Servizz lill-Klijent: Tgħin lill-klijenti b’dak li jkollhom bżonn, tagħmel rakkomandazzjonijiet ta’ prodotti, u tiżgura esperjenza ta’ xiri pjaċevoli.
Ġestjoni tal-Istokk: Tgħin fil-kontroll tal-istokk, ir-riforniment tal-ixkafef, u l-immaniġġjar tal-wiri tal-prodotti biex jinżamm ħanut organizzat u attraenti viżwalment.
"Wine & Spirit Tasting": Tkun ta’ għajnuna waqt sessjonijiet ta’ togħma li jiġu organizzati matul is-sena.
Kisi tar-Rigali u Hampers.
Immaniġġjar tal-"Cash": Tipproċessa tranżazzjonijiet b’mod preċiż u timmaniġġja ħlasijiet bil-flus u bil-kards.
Manutenzjoni tal-Ħanut: Tgħin biex il-ħanut jinżamm nadif u ordnat.

Kwalifiki:

Passjoni u entużjażmu dwar inbejjed, spirti, rigali u "customer care" ingenerali.
Esperjenza preċedenti f’pożizzjoni simili kif ukoll għarfien ta' xogħol ta’ kafetterija.
Ħiliet eċċellenti ta’ komunikazzjoni u relazzjonijiet interpersonali.
Attenzjoni għad-dettall u impenn qawwi lejn is-sodisfazzjon tal-klijent.
Kapaċità li taħdem fi ħdan tim u li tieħu inizjattiva.
Rieda biex titgħallem u tibqa’ aġġornat dwar l-għarfien tal-prodotti.
Flimkien mal-pakkett tas-salarju, tiġi offruta kummissjoni.

About Us

Cestine:

At Cestine, we are dedicated to curating an exquisite collection of prestigious wines, spirits, and giftware, setting a standard of excellence that enriches the lives of our customers and enhances their moments of celebration and appreciation.

Shop Assistant (Ħinijiet Flessibli)

Job Description